Saturday, August 24, 2013

ကိုယ်ဝန်ဆောင်ခြင်းကာလ သိမှတ်ဖွယ်ရာများ


မြန်မာအယူအဆအရ သားသမီးရတနာဟု မည်သို့ပင်ဆိုလင့်ကစား သန္ဓေသားရယူလိုသူများအတွက် ကိုယ်ဝန်ရရှိခြင်းသည် မင်္ဂလာသတင်း ၊ ဝမ်းသာစရာအဖြစ် ဆိုပေမယ့် ကလေးယူဖို့ အခြေအနေမပေးခင် ကိုယ်ဝန်ရလာသူများအတွက် ကိုယ်ဝန်ရရှိခြင်းသည် ဝမ်းသာစရာအဖြစ်တော့ မဟုတ်ပေ။

မိမိသည် အမျိုးသားနှင့် အိမ်ထောင်မှု ပြုသည်ဆိုကတည်းက တစ်ခါပဲဖြစ်ဖြစ် ၊ အကာအကွယ်နဲ့ပဲဖြစ်ဖြစ် မကာကွယ်ပဲနဲ့ဖြစ်ဖြစ် အရွယ်ရောက် အမျိုးသမီးတိုင်း မိမိ၏ ရာသီသွေးပြီးဆုံးသည့်နေ့ကိုတော့ လစဉ် မှတ်မှတ်သားသား ရှိစေလိုသည်။

ထိုမှသာ ရောဂါပဲရှိရှိ ၊ ကိုယ်ဝန်ပဲရရ ၊ အကြောင်းတစ်ခုခုကြောင့် သွေးမပေါ်လျှင် ထိုမှတ်သားထားသည့် အလေ့အကျင့်က သင့်အား များစွာ အထောက်အကူပြုပေမည်။
ရာသီသွေးမပေါ်ဘူး ။ အမျိုးသားနှင့် အတူနေခဲ့ပြီး ကိုယ်ဝန်ရှိသည် ။ ထိုကိုယ်ဝန်အား မျှော်လင့်မထား ။ ယူလို့ဖြစ်သည့် အခြေအနေ ။ နောက်ကျမှရသည့် နောင်တ ။ ဘာလုပ်သင့်သလဲ ။

သေချာစွာ စိတ်အေးအေးထားပြီး စဉ်းစားဆုံးဖြတ်ပါ ။
မိမိကိုယ်ပိုင် အကြောင်းကြောင်းကြောင့် မိမိလွယ်ထားသော ကိုယ်ဝန်သည် မလိုလားအပ်သော ကိုယ်ဝန်ဆိုပါစို့ ။ သင်သိထားနိုင်ရန်တစ်ခုမှာ သင်က သင့်သန္ဓေသား၏ နတ်ဘုရား တန်ခိုးရှင်ဖြစ်သည်ဆိုခြင်းပင်။ သင်ကသာ ၎င်းအား လူဖြစ်ခွင့် ၊ မဖြစ်ခွင့်ကို ဆုံးဖြတ်နိုင်သည်။ သင်ကသာ ၎င်းအား လူ့လောကသို့ ခြေချခွင့်ပေးနိုင်သည်။ သင်ကသာ ၎င်း၏ ကမ္ဘာဖြစ်သည်ဆိုခြင်းပင်။ 

သင့်အကာအကွယ်ဖြင့်သာ လူဖြစ်ခွင့်ရသော သင်၏ သန္ဓေသား၏ သနားစဖွယ် အနေအထားကို သင်မမေ့လိုက်ပါနှင့် ။ သင့်မိခင်က သင့်အား ကိုယ်ဝန်လွယ်မွေးဖွားပြီး လူ့လောကသို့အရောက် ခေါ်ဆောင်ပြီး မိခင်တာဝန်ကျေခဲ့ပြီ။ သင့်ရင်သွေးအတွက် သင်ကကော …..
ရမှတော့ ယူလိုက်ရုံပေါ့ ။ လာမည့်ဘေးပြေးတွေ့ ဆိုသူများလည်း သေချာစွာ စဉ်းစားဆုံးဖြတ်စေချင်သည်။ မြန်မာဆိုရိုးစကားတစ်ခုလို မျက်တောင်တဆုံး မကြည့်ပါနှင့် ။ မျက်စိတဆုံးကြည့်ပါ။ ကိုယ်ဝန်ဆောင်ကာလနှင့် ကလေးမွေးဖွားပြီးသည့်အထိ မကြည့်ဘဲ မိမိမွေးဖွားလာမည့် ထိုကလေး၏ စားသောက်နေထိုင်ရေး ၊ ပညာရေး ၊ ကျန်းမာရေး ၊ အဖက်ဖက်က လူတလုံးသူတလုံးဖြစ်ပြီး မိမိခြေထောက်ပေါ် ရပ်တည်နိုင်သည်အထိ ထောက်ပံ့နိုင်ပါ့မလား ။ 
သစ်ပင်တစ်ပင်လို ဓါတ်မြေသြဇာ ၊ နေရောင်ခြည်နှင့် ရေလောင်းပေးရုံဖြင့် ကြီးထွားလာစေသလို ကလေးငယ်တစ်ဦးကို လိုအပ်သည့် ထောက်ပံ့မှုများ ပေးရုံဖြင့် မျက်နှာလွှဲမထားသင့်ပေ။ ကလေးသည် လူတစ်ဦးပေမို့ လူငယ်လူရွယ် ၊ လူကြီး ဖြစ်လာမည့် ထိုကလေးငယ်၏ စိတ်ပျော်ရွှင်မှု ၊ စိတ်ခံစားချက်ကိုလည်း ထည့်ကို စဉ်းစားရပေမည်။ မိမိ မပျော်သည့် အိမ်ထောင်စုထဲသို့ အပြစ်မဲ့ကလေးအား မကြီးပြင်းလာပါစေနှင့်။ ကလေးငယ်တိုင်းသည် ပျော်ရွှင်စွာ ကြီးပြင်းလာသင့်သည်။

သန္ဓေသားဖြစ်လာခြင်း သိမှတ်ဖွယ်ရာများ
အမျိုးသား၏မျိုးဥနှင့် အမျိုးသမီး၏မျိုးဥ ပေါင်းစပ်ပြီး ၂၄နာရီမှ ၃၆နာရီအကြား ဖြစ်ပွားလာသည့် အောင်မြင်သော သန္ဓေသားဥသည် သားအိမ်အတွင်းသို့ရောက်ဖို့ ရက်သတ္တပတ် တစ်ပတ်ကြာကြောင်း သိရသည်။
ထိုကဲ့သို့ သွားနေစဉ် blastocyst ဟုခေါ်သည့် သန္ဓေသားလောင်းဖြစ်လာမည့် ဆဲလ်အစုဝေးသည် ectoderm ဟုခေါ်သည့် အရေပြားနှင့် အာရုံကြောဖွဲ့စည်းမှုစနစ် ဖြစ်လာမည့်အလွှာ ၊ endoderm ဟုခေါ်သည့် အစာချေခြင်းနှင့် အသက်ရှူမှုစနစ် ဖြစ်လွှာမည့်အလွှာ ၊ mesoderm ဟုခေါ်သည့် ကြွက်သားနှင့် အရိုးအဆစ်စနစ်ဖြစ်လာမည့်အလွှာ ဟူ၍ အလွှာသုံးလွှာ စတင်ဖြစ်ပေါ်လာကာ သားအိမ်အတွင်းသို့ ရောက်ရှိပါက သားအိမ်အတွင်းမြှေး၌ ခိုကပ်၍ စတင်ကြီးထွားလာတော့သည်။

သားအိမ်အတွင်းတွယ်ကပ်ပြီး ရက်သတ္တပတ် (၈)ပတ်အတွင်းမှာတော့ မတူသော ပြောင်းလဲဖွံဖြိုးခြင်းများဖြင့် သန္ဓေသားလောင်းဟာ တိုးတက်ဖွံ့ဖြိုးလာပြီး အချင်းနှင့် ချက်ကြိုးဖြစ်ပေါ်လာတော့သည်။ ထိုကာလများအတွင်း သန္ဓေသားလောင်းသည် လက်ချောင်း ၊ခြေချောင်း ၊မျက်လုံး ၊ နှာခေါင်း ၊ နားတို့ဟာ ပီပြင်လာပြီး ကိုယ်လုံးကိုယ်ထည် အကြမ်းဖျင်းနှင့် အာရုံကြောဖွဲ့စည်းမှုအဆင့်အထိ တိုးတက်ဖြစ်ပေါ်လာသည်။

ကိုယ်ဝန်ဆောင်ကာလကို အပိုင်းသုံးပိုင်းခွဲခြားနိုင်သည်။

ကိုယ်ဝန်ဆောင်စဉ် ပထမသုံးလတာ ကာလအတွင်း မိမိသန္ဓေသားသည် စက္ကန့်နှင့်အမျှ ပြောင်းလဲတိုးတက်မှုများ ဖြစ်ပေါ်နေ၍ မိမိကိုယ်တွင်း ဟိုမုန်းများ ပြောင်းလဲနေသောကြောင့် အနေအထိုင် မကြည်သာခြင်း ၊ မူးဝေပျို့အန်ခြင်း ၊ အားကုန်ပင်ပန်းနွမ်းနယ်သလို ဖြစ်နေခြင်းတို့ ရှိတတ်သည်။

ပထမသုံးလတာကာလတွင် ကိုယ်ဝန်ဆောင်သည်တိုင်း ထိုသို့ ဖြစ်ပေါ်မည်ဟုတော့ မဆိုလို ။ တစ်ဦးနှင့်တစ်ဦး ဟိုမုန်းတုန့်ပြန်မှုမတူနိုင်သလို ကိုယ်ဝန်ဆောင်သည့် မိခင်ဖြစ်ဦးတော့ တစ်သားနှင့် တစ်သား ဖြစ်ပေါ်ခံစားမှုတို့သည့် တူချင်မှ တူပေလိမ့်မည်။

ကိုယ်ဝန်ဆောင်သည့် လေးလတာကာလအတွင်း ရောက်လာသည်ဆိုပါက မစားမသောက်နိုင် ပျို့အန်ခြင်းများ အနည်းနှင့်အများ သက်သာလာကာ အစားအသောက် စားချင်စိတ် ပြန်ဖြစ်လာနိုင်သည်။ ကိုယ်ဝန်ဆောင်ကာလ လေးလကျော် ငါးလအထိ ထိုသို့မဖြစ်လာပါက မိမိ ကိုယ်ဝန်အပ်ထားသော ဆရာဝန်နှင့် တိုင်ပင် ဆွေးနွေးသင့်သည်။

ကိုယ်ဝန်ဆောင်ကာလ လေးလမှ ခြောက်လအချိန်သည် ကိုယ်ဝန်ဆောင်စဉ် ကာလတလျောက်၌ အသက်သာ အပေါ့ပါးဆုံးဟု ကျွန်မ၏လက်တွေ့ ခံစားမှုဖြင့် ဆိုချင်သည်။ အဘယ်ကြောင့်ဆိုသော် ပထမသုံးလကလို မစားမသောက် ပျို့အန်ပြီး မအီမသာဖြစ်ခြင်းမျိုး မရှိသလို မိမိခြေထောက် မိမိပြန်မမြင်သည်အထိ မိမိကိုယ်ဝန်ကို အချိန်နဲ့အမျှ အထူးသတိထားရခြင်းမျိုး မရှိသောကြောင့်ဖြစ်သည်။
ကိုယ်ဝန်လေးလမှ စတင်၍ မိမိကိုယ်ထဲ ကလေးရှိနေသည်ကို ကလေး၏ လှုပ်ရှားမှုအရ သိနိုင်သည်။ ထိုကာလမတိုင်မီ ကိုယ်ဝန်သုံးလခန့်တွင်မူ ကလေး၏ နှလုံးခုန်သံကို ဗိုက်ပေါ်လက်တင်ပြီး အာရုံစူးစိုက် သိရှိနိုင်ပေသည်။ ကလေး၏ နှလုံးခုန်သံနှင့် လှုပ်ရှားမှုသည် ကိုယ်ဝန်လေးလမှသည် လရင့်လာလေလေ ပိုသိသာလေဖြစ်သည်။

ကလေးနှလုံးမခုန်တော့လျှင် ၊ ကလေးမလှုပ်တော့လျှင် ဆေးရုံသို့ အမြန်သွားသင့်သည်ဟု ဆိုထားသော်လည်း ကလေးမလှုပ်လျှင် ၊ ကလေးနှလုံးမခုန်တော့လျှင် စိတ်လောမကြီးဘဲ စိတ်အေးအေးထားပါ။ ကလေးအိပ်ပျော်နေသောကြောင့်လည်း ဖြစ်နိုင်ပေသည်။
ထိုအခြေအနေမျိုးတွင် ရေအေးအေးသောက်ကြည့်ပါ ။ ဟာသကားကြည့်ပြီး ရယ်ကြည့်ပါ။ မြူးကြွသည့်သီချင်းများ ကျယ်ကျယ် နားထောင်ကြည့်ပါ။ လမ်းထလျှောက်ကြည့်ပါ။ ထိုကဲ့သို့ ပြုမူလှုပ်ရှားပါလျက် နာရီအနည်းငယ်အတွင်း ဗိုက်ထဲမှကလေး ဘာမှလှုပ်ရှားမှု မရှိပါမှ  ဆေးရုံသွားသင့်သည်။

တတိယ ကိုယ်ဝန်ဆောင်စဉ်ကာလဖြစ်သည့် ကိုယ်ဝန်(၇)လမှ (၉)လအတွင်းတွင်မူ ကိုယ်ဝန်လရင့်လာသည်နှင့်အမျှ နေရထိုင်ရ ခက်ခဲလာသည်။ ထိုအခါမှ မပေါ့မပါးဆိုသည့် မြန်မာစကားမှာ လေးနက်လာပေတော့သည်။ ကိုယ်ဝန်ရင့်လာပြီး မိမိခြေမိမိမမြင်ရ ၊တကယ့်ကို မပေါ့မပါးကြီးနှင့်မို့ ထိုင်လျှင်လဲခက် ၊ ထလဲခက် ၊ လမ်းလျှောက်လဲခက်သလို အိပ်လျှင်လဲ ခက်ပေတော့သည်။

ကိုယ်ဝန်လရင့်လာပါက ကလေး၏လှုပ်ရှားမှု ပိုများလာသလို ကလေးက ပိုသန်လာသောကြောင့် အထူးသဖြင့် အအိပ်အနေ နည်းလာတတ်သည်။ ထို့ကြောင့် အိပ်ချင်စိတ်ရှိသည့်အချိန် အိပ်ချလိုက်နိုင်ကာမှ ပိုအားရှိပေမည်။ အလုပ်လုပ်သည့် မိခင်များအဖို့ ပင်ပန်းနွမ်းနယ်မှု ၊ အားယုတ်လျော့မှုများကို ထိုကာလများတွင် ပိုခံစားရလိမ့်မည်။

နိုင်ငံတကာတွင် ကိုယ်ဝန်ဆောင်ကာလအား ရက်သတ္တဖြင့်တွက်ကာ ရက်သတ္တပတ် (၄၀)စွန်းစွန်း သို့မဟုတ် (၄၁)ပတ်တွင် သန္ဓေသားအား နေ့စေ့လစေ့ ဖွားမြင်သည်ဟု အလွယ်တကူ မှတ်ယူနိုင်သည်။ သို့ပေမယ့် ရက်သတ္တပတ် (၃၈)ပတ်မှသည် ရက်သတ္တပတ်(၄၀)အတွင်း သန္ဓေသားအား ဖွားမြင်နိုင်ပေသည်။

ကိုယ်ဝန်ဆောင်မိခင်များအနေဖြင့် မိမိသိလိုသည့် ကိုယ်ဝန်ဆောင်စဉ်အချက်များ အသေးစိတ်ကို ဤနေရာ၌ ကလစ်နှိပ်ပြီး ကြည့်ရှုလေ့လာနိုင်သည်။
ကျွန်မကိုယ်တိုင် ပထမဆုံးမွေးဖွားသည့် သားဦးလည်းဖြစ် ၊ စင်္ကာပူနိုင်ငံ၌ မွေးဖွားလာသည့် ကလေးမို့ အခြားနိုင်ငံများ၌ ဘယ်လို လုပ်ထုံးလုပ်နည်းနှင့် ဆိုသည်တော့ မသိပေ။ (ကမ္ဘာတဝှမ်းရှိ မိခင်တို့ မိမိကိုယ်တွေ့ကို မျှဝေလိုပါက Comment များဖြင့် ကျေးဇူးပြုပြီး မျှဝေနိုင်သည်။ ကျွန်မ မသိသော အရာများ အများအပြားရှိနိုင်သည်လေ။)

စင်္ကာပူနိုင်ငံတွင် ရက်သတ္တပတ် (၃၈)ပတ် မတိုင်မီ ကိုယ်ဝန်မလျှောအောင် ထိန်းချုပ်ဖို့ အလွန်ခက်ခဲသည့် အခြေအနေမှလွဲ၍ ကလေးအား တော်ရုံမမွေးဖွားစေပေ။
ဗိုက်နာသည်ကို ဘာမှန်းမသိသော ကျွန်မသည် အိမ်သာသို့ အလေးသွားလိုသည်ထင်ကာ ခဏ ၊ ခဏဝင်ပြီး အလေးသွားလိုက် အပေါ့သွားလိုက် လုပ်နေခဲ့ပေမယ့် ဗိုက်နာနေမှန်း မသိခဲ့ပေ။ အခြားနားလည်သူက ဒါဟာ ကလေးမွေးချင်လို့ဟု ပြောလာမှ ဒါဗိုက်နာတာလားဟု ရယ်ချင်ပက်ကျိနှင့် ကိုယ်ဝန်(၃၄)ပတ်ဖြင့် ဆေးရုံတက်လိုက်ရသေးသည်။

စက်များဖြင့် စမ်းသပ်သောအခါ သားအိမ်ညှစ်အားပေး၍ ကလေးက ရုန်းကန်ပြီး အပြင်သို့ထွက်လာချင်တာ အမှန်လည်း ဖြစ်နေသည် ။ သို့ပေမယ့် ရေမဆင်း ၊ သွေးမဆင်းပါ။ ထို့အတွက်ကြောင့် သားအိမ်ညှစ်အားမလာအောင် ဆေးသွင်းထိန်းပြီး ထိုကိုယ်ဝန် အနည်းဆုံး (၃၈)ပတ်အထိ မြဲစေဖို့ ၎င်းတို့က ကြိုးစားအားထုတ်ခဲ့ကြသည်။

ကိုယ်ဝန်(၃၈)ပတ်မတိုင်မီ မွေးလာသော ကလေးငယ်များသည် သားအိမ်အတွင်း ၎င်းတို့ တိုးတက်ဖွံ့ဖြိုးရမည့် ကျန်အဆင့်များအား မဖွံ့ဖြိုးခဲ့သောကြောင့် ရေရှည် ကလေးကျန်းမာရေး ၊ ရောဂါခုခံနိုင်အား စသဖြင့်တို့တွင် သာမန်ကလေးများလောက် မကောင်းသောကြောင့် ဟုဆိုသည်။ ထိုအန္တရာယ်ကို ကာကွယ်နိုင်ဖို့ ကလေးငယ်ကို မိခင်၏သားအိမ်အတွင်း ၎င်းဖွံ့ဖြိုးရမည့် အဆင့်များအား ဆက်လက် ဖွံ့ဖြိုးစေပြီး သန္ဓေသားအား ထိန်းထားခြင်းဖြစ်ကြောင်း သိရသည်။
ဗိုက်နာမှ သွားမွေးမည်ဟု မဆုံးဖြတ်ဘဲ နေ့ကောင်းရက်မြတ်ရွေးပြီး ကလေးမွေးဖွားလိုသော မိခင်များသည် မိမိ မွေးဖွားမည်ဟု သတ်မှတ်ထားချိန်ထက် အစောဆုံး သုံးပတ်မှသည် မိမိမွေးချင်သောရက်အားရွေး၍ ဆရာဝန်အား တိုင်ပင်ဆွေးနွေးနိုင်သည်။

ဗိုက်ခွဲမွေးမည်ဟု ဆုံးဖြတ်ထားသူများအတွက် ထူးထူးထွေထွေ ပြဿနာမရှိပေမယ့် နေ့ရွေးပြီး ရိုးရိုးမွေးချင်သူများကလည်း မိမိ မွေးချင်သည့်ရက်ကို ဆရာဝန်နှင့်တိုင်ပင်ဆွေးနွေးနိုင်သည်။ ဆရာဝန်က ကလေးအနေအထား ၊ သားအိမ်အနေအထား စသဖြင့်တို့ကိုကြည့်ပြီး သားအိမ်ပွင့်ဆေးသွင်းပြီး မွေးဖွားနိုင်ကြသည်။

လူတွေထဲမှာမှ ကလေးတစ်ဦးကို မွေးထုတ်ပေးနိုင်တဲ့ မိခင်ဖြစ်ရတာ ဘယ်လောက်ဂုဏ်ယူဖို့ ကောင်းတဲ့အဖြစ်လဲနော် ။ ပထမဆုံးမြင်တွေ့ခွင့်ရတဲ့ သားသမီးရဲ့မျက်နှာ မြင်လိုက်စဉ်ခဏ ပျော်ရွှင်ကြည်နူးမှုကို မိဘကလွဲလို့ ဘယ်သူပိုနားလည်နိုင်မလဲ။
ကိုးကား – wiki
ရတု(burmesehearts.com)

0 Comment Box:

Post a Comment


 

Comment Box

Followers