Sunday, September 15, 2013

သမ္မတက တရားသူကြီးချုပ်ကို ရွေးချယ်သည့်စနစ် လက်ရှိတရားစီရင်ရေးအတွက် စဉ်းစားစရာတစ်ခုဖြစ်နေဟုဆို

 
၂၀၀၈ နိုင်ငံတော်ဖွဲ့စည်းပုံ အခြေခံဥပဒေအရ နိုင်ငံတော် သမ္မတက ပြည်ထောင်စုတရား သူကြီးချုပ်ကို ရွေးချယ်ခန့်အပ် သည့်စနစ်မှာ လက်ရှိမြန်မာနိုင်ငံ တရားစီရင်ရေး၊ ပြုပြင်ပြောင်းလဲ ရေးအတွက် စဉ်းစားစရာတစ်ခု ဖြစ်နေသည့်အပြင် ပြည်သူလူထု ယုံကြည်သော အမှီအခိုအနှောင် အဖွဲ့ကင်း၍လွတ်လပ်သောတရား စီရင်ရေးစနစ်တစ်ခု ဖြစ်လာရေး အတွက် စိန်ခေါ်မှုတစ်ရပ်ဖြစ်နေ ကြောင်း ပြည်သူ့လွှတ်တော်ကိုယ် စားလှယ်တစ်ဦးနှင့် ပြည်သူ့လွှတ် တော်ပြည်သူ့ရေးရာ  စီမံခန့်ခွဲမှု ကော်မတီအတွင်းရေးမှူး ဦးတင် မောင်ဦးက ဆိုသည်။


““အုပ်ချုပ်ရေးပိုင်းကနေပြီး တော့ တရားရေးပိုင်းကို ၀င်စွက် ဖက်တယ် ဆိုတဲ့ သဘောသက် ရောက်နေတာတွေရှိမနေသင့် တော့ဘူး။ သမိုင်းကြောင်းအရ အုပ်ချုပ်ရေးပိုင်းရဲ့စေစားမှု အတိုင်းတရားစီရင်ရေးအဖွဲ့တွေ က စီရင်ခဲ့ရတာတွေအများကြီးပဲ။ အုပ်ချုပ်ရေးပိုင်းက တရားရေးကို ၀င်စွက်ဖက်တယ်ဆိုတာကို ပြော ချင်တာပါ။ တရားရေးမဏ္ဍိုင်မှာ အကြီးဆုံးဖြစ်တဲ့ ပြည်ထောင်စု တရားသူကြီးချုပ်ကို လက်ရှိဖွဲ့ စည်းပုံအခြေခံဥပဒေအရဆိုရင် သမ်္မတကြီးက တိုက်ရိုက်ရွေးချယ် တဲ့သဘောမျိုးဖြစ်နေတယ်။ ဒါ တွေဟာလည်း လက်ရှိမြန်မာ နိုင်ငံတရားစီရင်ရေး၊မဏ္ဍိုင်ပြုပြင် ပြောင်းလဲရေးအတွက် စဉ်းစား စရာတစ်ခုဖြစ်နေတယ်။ အမှန် တကယ်တော့   ပြည်ထောင်စု တရားလွှတ်တော်အကြီးအကဲဟာ ပြည်ထောင်စုလွှတ်တော်ကြီးရဲ့ တိုက်ရိုက်ရွေးချယ်ခန့်အပ်မှုနဲ့ ဖြစ် လာတဲ့သူဆိုရင်တော့ ပိုကောင်း တာပေါ့ဗျာ။ ဒါတွေဟာ တရား ရေးမဏ္ဍိုင် တည့်မတ်ကြံ့ခိုင်စေ ရေး၊ ပြည်သူတွေယုံကြည်လက်ခံ လာစေရေးတို့အတွက် အရေး ကြီးတဲ့အချက်၊   ပြုပြင်သင့်တဲ့ အချက်တွေပါ””ဟု ပြည်သူ့ လွှတ်တော်ကိုယ်စားလှယ် ဦးတင် မောင်ဦးက ပြောကြားသည်။


၂၀၀၈ နိုင်ငံတော်ဖွဲ့စည်းပုံ အခြေခံဥပဒေ အခန်း(၆)၌ နိုင်ငံ တော်သမ္မတသည် ပြည်ထောင်စု လွှတ်တော်၏သဘောတူညီချက် ရရှိသည့်ပုဂ်္ဂိုလ်အားပြည်ထောင်စု တရားသူကြီးချုပ်အဖြစ်ခန့်အပ်ရ မည်ဟုဖော်ပြထားသည့်အပြင် နိုင်ငံတော်သမ်္မတသည် ပြည် ထောင်စု တရားသူကြီးချုပ်နှင့် ညှိနှိုင်းကာ ပြည်ထောင်စုတရား လွှတ်တော်ချုပ် တရားသူကြီးများ အဖြစ် ခန့်အပ်သင့်သော ပုဂ်္ဂိုလ် များ၏ အမည်စာရင်းကို ပြည် ထောင်စုလွှတ်တော်သို့ တင်သွင်း သဘောတူညီချက်ရယူရမည်ဟု ပြဋ္ဌာန်းပါရှိထားသည်။  
ခန့်ခန့်(ဒဿနိက)
HOT NEWS

0 Comment Box:

Post a Comment


 

Comment Box

Followers