Sunday, September 15, 2013

ဘောလုံး လောကရဲ့ လုပ်ခ အမြင့်ဆုံး ကစားသမား ဖြစ်လာတဲ့ ခရစ္စတီယာနို ရော်နယ်ဒို

ရီးရဲလ်မက်ဒရစ် စတား ခရစ္စတီယာနိုသည် အသင်းဖြင့် ၂၀၁၈ ခုနှစ် အထိ သက်တမ်းရှိ စာချုပ်တစ်ရပ်ကို တိုးမြှင့် ချုပ်ဆိုလိုက်သည်။

အဆိုပါ စာချုပ်ကြောင် ခရစ္စတီယာနိုသည် ဘောလုံးလောက၏ လုပ်ခ လစာ အမြင့်မားဆုံး ရရှိသော ကစားသမား တစ်ဦး ဖြစ်လာခဲ့သည်။ စပိန် သတင်းစာများ၏ ဖော်ပြချက် အရ ခရစ္စတီယာနိုသည် စာချုပ်သစ်ပါ အချက် အလက်အရ တစ်နှစ်လုပ်ခ အသားတင် ယူရို (၁၇) သန်းအထိ ရရှိ ခံစား ခွင့်ရမည် ဖြစ်သည်။

အဆိုပါ ပမာဏမှာ လက်ရှိ အမြင့်ဆုံး လုပ်ခ လစာကို ခံစားနေသော အသင်းဖော် ဂါရတ် ဘေးလ်နှင့် ဘာစီလိုနာ စတား မက်ဆီတို့ထက် မြင့်မားသော လုပ်ခ လစာ ဖြစ်သည်။ ခရစ္စတီယာနိုက - "ရီးရဲလ်မက်ဒရစ် အတွက် နောက်ထပ် နှစ်ပေါင်းများစွာ ကစားခွင့် ရတော့မယ့် အခွင့် အရေးဟာ ကျွန်တော့် အတွက် တကယ့် မဟာအခွင့် အရေးပါ၊ ကျွန်တော် အရမ်းပျော်ပါတယ်၊ ဒီဂျာစီအတွက် ကျွန်တော် အစွမ်းကုန် ပေးဆပ် သွားပ့ါမယ်၊ အသင်းကို ကျွန်တော် ဘယ်လောက်ထိ ချစ်တယ်ဆိုတာကို သက်သေပြသွားချင်တယ်၊ အသင်း ပရိတ်သတ်တွေ၊ အသင်းဖော်တွေ၊ ဥက္ကဌနဲ့ အားကစား ဒါရိုက်တာ အားလုံးကို အထူးကျေးဇူးတင်ပါတယ်၊ သူတို့ကြောင့် စာချုပ်သက်တမ်း တိုးမယ့် ဆုံးဖြတ်ချက်ကို ကျွန်တော် လွယ်လွယ်ကူကူ ချမှတ် နိုင်ခဲ့တာပါ" ဟု ပြောကြား သွားခဲ့သည်။

ဥက္ကဌ ပီရက်ဇ်က - "ခရစ္စတီယာနိုဟာ ကျွန်တော်တို့ရဲ့ ကစားသမား အဖြစ်နဲ့ နောက်ထပ် (၅)နှစ် တိတိ ဘာနေဗျူးမှာ ဆက်ရှိသွားတော့မှာ ဖြစ်ပါတယ်" ဟု တရားဝင် ကြေငြာသွားခဲ့သည်။

Ref: Goal.com
အောင်ဇော်လတ် (မိုးနဲ)

 Football Café


1 Comment Box:

Tun Tun said...

အိမ်း...ကောင်းပါလိမ့်...အင်မတန်ကောင်းတဲ့လစာပေကိုး...
ယောင်လို့ဖြင့်.အိပ်မက်တောင်မမက်ဘူးပေါင်ဗျာ.....

Post a Comment


 

Comment Box

Followers