Tuesday, September 17, 2013

အစ္စလာမ်မစ်ခေါင်းဆောင်ကို ဘင်္ဂလားဒေ့ရ်ှတရားရုံးချုပ် သေဒဏ်ချမှတ်

 
နိုင်ငံအတွင်း သြဇာကြီးမားသော အစ္စလာမ်မစ် ဘာသာရေး ခေါင်းဆောင် တစ်ဦးကို ဘင်္ဂလားဒေ့ရှ် ဗဟိုတရားရုံးက စစ်ရာဇ၀တ်မှု စွဲချက်များအတွက် သေဒဏ်ချမှတ်လိုက်ကြောင်း သိရသည်။ ဘင်္ဂလားဒေ့ရှ်၏ အထင်ကရ အစ္စလာမ်မစ် ပါတီအကြီးအကဲ တစ်ဦးဖြစ်သော အက်ဘ်ဒူလ်ကာဒါ မူလာအနေဖြင့် (၁၉၇၁)ခုနှစ်က ပါကစ္စတန်ထံမှ ခွဲထွက်သော လွတ်လပ်ရေး တိုက်ပွဲအတွင်း လူမဆန်သော စစ်ရာဇဝတ်မှုများ ကျုးလွန်ခဲ့ကြောင်း တရားရုံးက ဆုံးဖြတ်ခဲ့သည်။ 
ဂျာမတ်အီ အစ္စလမ်မီ ပါတီ၏ အကြီးအကဲဖြစ်သူ အက်ဘ်ဒူလ်ကမူ အဆိုပါ စွပ်စွဲချက်များအတွက် အပြစ်မရှိဟု ငြင်းဆန်နေဆဲ ဖြစ်သည်။ ၄င်းသည် ဖေဖော်ဝါရီလက ထောင်ဒဏ် တစ်သက် ပြစ်ဒဏ်ကို ချမှတ်ခံရသော်လည်း တရားရုံး၌ အယူခံဝင်သည့်အခါ ပြန်လည် စီစစ်ပြီးနောက် ပြစ်ဒဏ်ကို ပြန်လည် တိုးမြှင့်ခဲ့ခြင်းဖြစ်သည်။ ဖေဖော်ဝါရီလ ထောင်ဒဏ်တစ်သက် စီရင်ချက်တွင် ၄င်းကို ထောက်ခံသူများက ဆန္ဒပြခဲ့ပြီး ပဋိပက္ခ အခြေအနေအချို့ ဖြစ်ပေါ်ခဲ့ဖူးသည်။ အသက် ၆၅ နှစ်ရှိ အက်ဘ်ဒူလ်သည် ဂျာမတ်အီ အစ္စလာမ်မီ ပါတီတွင် လက်ထောက် အထွေထွေ အတွင်းရေးမှူး တာဝန်ကို ရယူထားသူဖြစ်သည်။
 ၄င်းသည် လူသတ်မှုအပါအ၀င် စစ်ရာဇ၀တ်မှုဆိုင်ရာ စွဲချက် (၆) ခုအတွက် အပြစ်ရှိကြောင်း ယခုနှစ် အစောပိုင်းဆုံး တရားရုံးဆုံးဖြတ်ချက်ကို ခံယူခဲ့ရသည်။ အစိုးရရှေ့နေ ဇိတ်ဒ်အယ်လ်မယ်လ်အမ်းက အက်ဘ်ဒူလ်၏ ပြစ်ဒဏ်ကို တရားရုံးက တိုးမြှင့်ခဲ့ကြောင်း AFP သို့အတည်ပြု ပြောကြားခဲ့သည်။ တရားခံ ရှေ့နေ တာဂျူလ်အစ္စလာမ်က စီရင်ချက် ချမှတ်ချိန်တွင် မိမိအနေဖြင့် အံ့သြတုန်လှုပ်ခဲ့ရကြောင်း ဖွင့်ဟခဲ့သည်။ “ ဒါဟာ အာရှတောင်ပိုင်း တရားစီရင်ရေး စနစ်မှာ ပထမဆုံးအကြိမ် တရားရုံးချုပ်က အယူခံ ပြစ်ဒဏ်ကို တိုးမြှင့်မှုလည်း ဖြစ်ပါတယ်” ဟု ၄င်းက ဖွင့်ဟခဲ့သည်။
Planet Myanmar Network
 
 
 

0 Comment Box:

Post a Comment


 

Comment Box

Followers