Sunday, September 29, 2013

အီရန်သမ္မတ၏ ပြည်တော်ပြန်မြင်ကွင်း လူရာပေါင်းများစွာ ကြိုဆို၊ အတိုက်အခံများက ဖိနပ်ဖြင့်ပစ်ပေါက်

 
ကုလသမဂ္ဂအထွေထွေညီလာခံမှ ပြန်ရောက်လာသော အီရန်သမ္မတ ဟာဆန်ရိုဟာနီကို တီ ဟီရန်လေဆိပ်တွင် ကြိုဆိုကြသော လူရာပေါင်းများစွာထဲမှ သဘောထားတင်းမာသော အုပ်စုများက 'အမေရိက ကျဆုံးပါစေ'ဟု ကြွေးကြော်ကာ ကြိုဆိုကြကြောင်းသိရသည်။ အီရန်သမ္မတ ရိုဟာနီသည် နယူးယောက်မှ ထွက်ခါနီးဆဲဆဲအချိန်တွင် အမေရိကန်သမ္မတနှင့် ဖုန်းဖြင့်စကားပြောခဲ့သေးသည်။

လေဆိပ်အပြင်ဘက်တွင် ထောက်ခံသူလူ ၂ဝဝ၊ ၃ဝဝခန့်သည် ကုလသမဂ္ဂအထွေထွေညီလာခံတွင် မစ္စတာ ရိုဟာနီ၏ ကြိုးစားအား ထုတ်ခဲ့မှုအတွက် ကျေးဇူးတင်ရှိကြောင်းပြောကာ ကြိုဆိုခဲ့ကြသည်ဟု ပြင်သစ်သတင်းဌာနမှ ဂျာနယ်လစ်တစ်ဦးကပြောသည်။ သို့သော် အတိုက်အခံလူ ၆ဝ ခန့်သည် 'အမေရိကကျဆုံးပါစေ၊ အစ္စရေးကျဆုံးပါစေ'ဟု ကြွေးကြော်ကြသည်ဆို၏။ နယူးယောက်တိုင်းစ် သတင်းထောက်ကမူ သဘောထား တင်းမာသူများကသမ္မတ၏ ယာဉ်တန်းကို ကြက်ဥများ၊ ဖိနပ်များဖြင့် ပစ်ပေါက်ကြသည်ဟု ပြောကြောင်း သိရသည်။

TWM, Source : BBC

------------------------------------------------------
                                                                  စက်တင်ဘာ ၂၉ ရက်ထုတ် ရွှေနိုင်ငံသစ်သတင်းစာ၊
                                                                  အတွဲ(၂)၊ အမှတ်(၀၇၆)





0 Comment Box:

Post a Comment


 

Comment Box

Followers