Tuesday, October 1, 2013

တိုက်လေယာဉ်တစ်စင်း ရန်ကုန်လေဆိပ် ပြေးလမ်းပေါ်၌ အရှိန်ထိန်းချုပ်သည့် လေထီးမပွင့်၍ ရန်ကုန်လေဆိပ် ခေတ္တပိတ်ခဲ့ရ





မင်္ဂလာဒုံ လေတပ်စခန်းဌာနချုပ်မှ တိုက်လေယာဉ်တစ်စင်း ရန်ကုန်လေဆိပ် ပြေးလမ်းပေါ်၌ အရှိန်ထိန်းချုပ်သည့် လေ ထီးမပွင့်မှုကြောင့် ၂၀၁၃ ခုနှစ်၊ စက်တင်ဘာ ၃၀ ရက်၊ မွန်းလွဲပိုင်းက ရန်ကုန်အပြည်ပြည်ဆိုင်ရာ လေဆိပ်အား ခေတ္တပိတ်ခဲ့ရကြောင်း သတင်းရရှိသည်။

''မင်္ဂလာဒုံ လေတပ်စခန်း ဌာနချုပ်က တိုက်လေယာဉ်တစ်စင်း ရန်ကုန်လေဆိပ်ကို ဆင်းသက်ချိန်မှာ အရှိန်ထိန်းချုပ်တဲ့ လေထီးမပွင့်လို့ ပြေးလမ်းပေါ်မှာ ခဏရပ်သွားတာပါ။ ခဏနေတော့ သူတို့ လေတပ်ဌာနချုပ် လေယာဉ်တွေနဲ့ ဆွဲယူသွားပါတယ်။ ဒီလို ဖြစ်နေတဲ့ အချိန်မှာ ရန်ကုန်လေဆိပ်ကို ဆင်းမယ့်လေယာဉ်တချို့ ခဏဆင်းလို့မရ ဖြစ်သွားတာပါ'' ဟု လေကြောင်း ပို့ဆောင်ရေး ညွှန်ကြားမှု ဦးစီးဌာနမှ ဒုတိယ ညွှန်ကြားရေးမှူးချုပ် ဦးဝင်းဆွေထွန်းက The Daily Eleven သတင်းစာ၏ မေးမြန်းမှုကို ပြန်လည် ဖြေကြားသည်။

ယင်းသို့ ရန်ကုန်လေဆိပ်အား ခေတ္တပိတ်ခဲ့ရသဖြင့် အပြည်ပြည်ဆိုင်ရာ မြန်မာ့လေကြောင်း (MAI) မှ ဗန်ကောက်-ရန်ကုန်ခရီးစဉ် ပျံသန်းသည့် ခရီးစဉ်အမှတ် 8M 336 လေယာဉ်သည် မန္တလေး အပြည်ပြည်ဆိုင်ရာ လေဆိပ်သို့ ခေတ္တသွားရောက် ဆင်းသက်ပြီးမှသာ ရန်ကုန်အပြည်ပြည်ဆိုင်ရာ လေဆိပ်သို့ ပြန်လည်ဆင်းသက် ခဲ့ရကြောင်း သိရသည်။ အဆိုပါ လေယာဉ်သည် ရန်ကုန် အပြည်ပြည်ဆိုင်ရာ လေဆိပ်သို့ မွန်းလွဲ ၁၂ နာရီ ၁၅ မိနစ်တွင် ဆိုက်ရောက် ရမည့်အစား ညနေ ၃ နာရီ ၁၅ မိနစ်မှသာ ဆိုက်ရောက် နိုင်ခဲ့ကြောင်း သတင်းရရှိသည်။

''ရန်ကုန်လေဆိပ်ကို ခဏပိတ်ထားတဲ့ အချိန်နဲ့ ကျွန်မတို့ 8 M 336 လေယာဉ်ဆင်းမယ့် အချိန်နဲ့ ကွက်တိဖြစ်သွားလို့ မန္တလေး အပြည်ပြည်ဆိုင်ရာ လေဆိပ်ကို ခဏသွား ဆင်းခဲ့ရတာပါ။ ပြီးမှ ရန်ကုန်လေဆိပ်ကို ပြန်ဆင်းခဲ့ပါတယ်'' ဟု (MAI) လေကြောင်းလိုင်းမှ Marketing Manager ဒေါ်အေးမရသာက စက်တင်ဘာ ၃၀ ရက်က ပြောပြသည်။

ယခုကဲ့သို့ လေယာဉ်ပြေးလမ်းပေါ်တွင် လေယာဉ်တစ်စင်း မတော်တဆမှု ဖြစ်ပွားမှုကြောင့် လေဆိပ်သို့ ဆင်းသက်မည့် အခြားလေယာဉ်များနှင့် လေဆိပ်မှ ထွက်ခွာမည့် လေယာဉ်များ ဆင်းသက်-ထွက်ခွာ၍ မရဖြစ်ခြင်းမှာ လေယာဉ်ပြေးလမ်း တစ်ခုတည်းရှိသည့် လေဆိပ်ဖြစ်သည့် အတွက် ဖြစ်ကြောင်း သိရသည်။

''အခုလို လေယာဉ်ပြေးလမ်းပေါ်မှာ လေယာဉ်တစ်စင်း တစ်ခုခုဖြစ်လို့ ကျန်တဲ့ လေယာဉ်တွေ ဆင်းမရ၊ တက်မရဖြစ်တာက ပြေးလမ်းတစ်ခုတည်း ရှိတာကြောင့်ပါ။ ပြေးလမ်းသာ နှစ်ခုရှိမယ်ဆိုရင် ဒီလိုပြဿနာတွေ ဘာမှမရှိနိုင်ပါဘူး။ ကျွန်တော်တို့ အနေနဲ့ကတော့ လေကြောင်းဦးစီးဌာနက ဆင်းခွင့်ပေးပါလို့ပြောတဲ့ လေယာဉ်တိုင်းကို ဆင်းခွင့်ပြုပါတယ်'' ဟု မန္တလေး အပြည်ပြည်ဆိုင်ရာ လေဆိပ်မှ ဦးထွန်းနေ၀င်းက ပြောကြားသည်။

                                                                                        Eleven Media Group






1 Comment Box:

Naing Winn said...

နေပြည်တော် လေဆိပ်က ဆင်းမရဘူးလား၊ မန္တလေးဆိုတော့ ပို မဝေးဘူးလား၊ နေပြည်တော်လေဆိပ်က အလှထားတာ ဖြစ်ဖို့ များတယ်နဲ့ တူပါရဲ့။

Post a Comment


 

Comment Box

Followers