Friday, October 11, 2013

မနက်ပိုင်းမှာ နှလုံးတိုက်ခိုက်မှု ဒဏ်ခံရတာများခြင်းဟာ ဘာကြောင့်လဲ

 15

နှလုံးရပ်ခြင်း သို့မဟုတ် ရုတ်တရက်နှလုံးသေဆုံးခြင်းနဲ့ ကိုယ်ခန္ဓာ ရဲ့ နေ့ညစက်ဝန်း ဆက်စပ်နေမှုကြောင့် မနက်ပိုင်းမှာ  ပိုပြီးနှလုံးရောဂါ ထိခိုက်မှုဒဏ်ပိုခံစားရတယ်ဆိုတာကို အိန္ဒိယသိပ္ပံပညာရှင်တွေက ဖော်ထုတ်နိုင်ခဲ့ပါတယ်။

နှလုံးရုတ်တရက် ရပ်ဆိုင်းခြင်းကို ဖြစ်စေတဲ့ ventricular fabrillation ဖြစ်စဉ်မှာဆိုရင် လူနာဟာ မေ့မျောနေလေ့ရှိပြီး နှလုံးကိုနှိုးတဲ့လုပ်ငန်းစဉ်၊ နှလုံးနှိုးစက်တွေ အဆင် သင့်မရှိဘူးဆိုရင် သေဆုံးနိုင်ပါတယ်။ အဲဒီနှလုံးထိခိုက်မှုဖြစ်စဉ် ဖြစ်ပွားဖို့ မနက် (၆)နာရီကနေ (၁၀)အတွင်း အခွင့်အရေးပိုများပြီး နေ့ လယ်ပိုင်းမှာ ဖြစ်ပွားမှုနည်းပါတယ်။ ဒီသုတေသနမှာ ကိုယ်ခန္ဓာဇီဝနာရီနဲ့ နှလုံးရပ်ခြင်းနဲ့ ဆက်စပ်နေမှုကို သုတေသီတွေက ဖော်ထုတ်နိုင်ခဲ့ပါ တယ်။

ဇီဝနာရီဆိုတာ ဦးနှောက်ကနေ အိပ်စက်ခြင်းနဲ့ နိုးထခြင်းကို ထိန်းချုပ်ခြင်းနဲ့ သက်ဆိုင်ပြီး ပြင်ပပတ်ဝန်း ကျင်နဲ့ ကိုယ်ခန္ဓာလိုက်လျောညီထွေ ဖြစ်အောင် လုပ်ဆောင်ပေးပါတယ်။ လေ့လာမှုမှာတွေ့ရှိခဲ့တာကတော့ မနက်ပိုင်းမှာ KLF 15 ဆိုတဲ့ ပရိုတင်းနည်းပါးနေပြီး နေ့လယ်ကနေ ညဖက်အထိကတော့ မြင့်တက်နေ တယ်ဆိုတာဖော်ထုတ်နိုင်ခဲ့ပါတယ်။ KLF 15 ပရိုတင်းဟာ နှလုံးဆဲလ်တွေ ထဲကနေ နှလုံးခုန်ဖို့ လျှပ်စီးလှုံ့ဆော်မှုပေးရာမှာ ကူညီပြီးပုံမှန်၊ မမြန်လွန်း မနှေးလွန်းတဲ့ နှလုံးစည်းချက်ကို ဖြစ်စေနိုင်ပါတယ်။ ဇီဝနာရီအရ မနက်ခင်းမှာ KLF 15  ပရိုတင်းနည်းပါး တဲ့အတွက် သာမန်အချိန်ထက် နှလုံး ထိခိုက်မှု၊ နှလုံးရုတ်တရက်သေဆုံးမှုတွေ ပိုပြီးဖြစ်ရတာပါလို့ သုတေသန ခေါင်းဆောင် Dr. Mukesh Jain က ရှင်း ပြခဲ့ပါတယ်။
ဒီသုတေသနကို Journal of Heart & Circulation  မှာဖော်ပြထားပါတယ်။
သန့်စင်
                                                                                                        ref: ANI
                                                                                               Health Updates Journal



0 Comment Box:

Post a Comment


 

Comment Box

Followers