Tuesday, October 15, 2013

အထိုင်များတဲ့သူများအတွက် ခါးနာဝေဒနာ မဖြစ်ရလေအောင်

 

တနေရာထဲမှာ နာရီများစွာထိုင်ပြီး အလုပ်လုပ်ရင် ခန္ဓာကိုယ်ရဲ့ အလေးချိန်ဟာ တင်ပါးပေါ်မှာ ကျရောက်နေတတ်ပါတယ်။ အဲဒီလို နာရီများစွာ ထိုင်တဲ့အခါ ထိုင်ပုံက ပျင်းတိပျင်းတွဲ ဖြစ်နေရင် ခန္ဓာကိုယ်ပုံသဏ္ဌာန် ပျက်ယွင်းတာကစပြီး အသက် ၄၅-နှစ်အောက် လူများမှာဆိုရင် ခါးနာရာက မသန်မစွမ်းဖြစ်တဲ့အထိ အန္တရာယ်ရှိနိုင်ပါတယ်။ အလုပ်ခွင်မှာဖြစ်စေ၊ နေအိမ်မှာဖြစ်စေ တနေရာတည်း နာရီများစွာ မလှုပ်မယှက်
ထိုင်နေတာများလာရင် တင်ပါးအသားတွေ ပျော့တွဲလာတာ၊ သွေးကြော ပိတ်တာတွေလည်း ဖြစ်တတ်ပါသေးတယ်။

ထိုင်နေတဲ့အခါ မတ်တတ်ရပ်အနေအထားထက် ပိုပြီး ကျောရိုးမှာ ဖိအားသက်ရောက်မှု ရှိတတ်ပါတယ်။ ဒါ့အပြင် ခန္ဓာကိုယ်ကို အင်္ဂလိပ်အက္ခရာ C-ပုံသဏ္ဌာန် လက်ပြင်ကုန်းပြီး ထိုင်ရင်တော့ ကျောရိုးပေါ် သက်ရောက်တဲ့ ဖိအားဟာ နှစ်ဆပိုလာပါပြီ။ အဲဒီလိုပုံစံနဲ့ထိုင်ရင် မလှုပ်မယှက်နေတဲ့အခါ ကျောရိုးထဲက အရိုးကွင်းဆက်တွေအတွက် လိုအပ်တဲ့ အာဟာရမရရှိတော့ပါဘူး။ ခန္ဓာကိုယ်လှုပ်ရှားမှု ရှိနေမှသာ အဲဒီအရိုးကွင်းဆက်တွေက လိုအပ်တဲ့ အာဟာရကို သွေးကြောတွေက ထောက်ပံ့ပေးနိုင်တာပါ။

အဖြစ်များတဲ့ ခါးအောက်ပိုင်းနာကျင်မှု အပါအ၀င် အထိုင်များလို့ ဖြစ်ရတဲ့ ဝေဒနာတွေကို ရှောင်လွဲနိုင်တဲ့နည်းလမ်းတွေကတော့

၁။ ထိုင်လျက် တသက်မတ်ထဲ မနေဘဲ ပုံစံပြောင်းပါ။ ၁၅-မိနစ် ဒါမှမဟုတ် နာရီဝက်တခါလောက် ထိုင်ရာက ထပြီး လက်နှစ်ဖက်ကို ခါးနောက်မှာ ယှက်ထားကြည့်ပါ။ ဖုန်းပြောတဲ့အခါ မတ်တတ်ရပ်ပြီးပဲ ပြောသင့်ပါတယ်။ ထိုင်လျက်အနေအထားမှာ ၀မ်းဗိုက်ကြွက်သားတွေကို ကျုံ့စေပါတယ်။ ဒါကြောင့် ထိုင်လျက်ပြောမယ်ဆိုရင်လည်း ခန္ဓာကိုယ်ကိုယ် မတ်မတ်ထိုင်ပြီး ကျောမှီထားပါ။

၂။ တတ်နိုင်သူတွေကတော့ လမ်းလျှောက်လေ့ကျင်ခန်း စက်ကိရိယာ (Treadmill) တွေ အသုံးပြုပြီး ပြုလုပ်သင့်ပါတယ်။

၃။ ခါးအတွက်တော့ ဆောင့်ကြောင့်ထိုင်တာက ခုံနဲ့ထိုင်တာထက် ပိုကောင်း ပါတယ်။ အကြောင်းကတော့ ဆောင့်ကြောင့်ထိုင်တဲ့အခါ ခန္ဓာကိုယ်ရဲ့အလယ်ပိုင်းက အလေးချိန်အများစုဟာ ပေါင်တွေပေါ်မှာ သက်ရောက်မှုရှိနေလို့ ဖြစ်ပါတယ်။ ဆောင့်ကြောင့်ထိုင်တဲ့အခါ ဦးခေါင်းနဲ့ပုခုံးတွေကို မတ်မတ်ထားပြီး ထိုင်ရင် ခါးရဲ့သဘာဝအနေအထားကို ရရှိနိုင်ကြောင်း ကျွမ်းကျင်ဆရာဝန်တဦးက ဆိုပါတယ်။

၎ ။ ရုံးမှာ ကားပေါ်မှာထိုင်တဲ့အခါ ခါးရဲ့သဘာဝ ပုံစံအနေအထား ကိုဖြစ်ပေါ်စေဖို့ထိုင်ခုံပေါ်မှာ ခါးမှီ တစ်ခုခု ထားရှိသင့်ပါတယ် ။

၅ ။ လက်ပြင်ကုံးပြီး ထိုင်တာကြာလာရင် အဲ့ဒီလိုပုံစံကနေ မတ်မတ်ထိုင်တဲ့ပုံစံကို တစ်ကြီမ်မှာ ဆယ်ခါကနေ ဆယ့်ငါးခါ အထိတစ်နေ့ သုံးကြီမ်ပြုလုပ်သင့်ကြောင်း တင်ပြလိုက်ပါတယ် ။


                                                                                                 The Webshop


 

0 Comment Box:

Post a Comment


 

Comment Box

Followers