Saturday, October 19, 2013

ရေနံသုတ်စွပ်ကျယ်ဖြူကြောင့် ကျောင်းကုန်းလုံခြုံရေး ရက်ရှည်တပ်စွဲရဖွယ်ရှိနေ

 
ယခုလအစောပိုင်းက ပဋ္ဋိပက္ခများဖြစ်ပွားခဲ့သည့် ဧရာဝတီတိုင်းဒေသကြီး ကျောင်းကုန်းမြို့၌ အကြမ်းဖက်ဆူပူစေရန် လှုပ်ရှားမှုများ ဆက်လျက်ရှိနေသည့်အတွက်လုံခြုံရေးတပ်ဖွဲ့ဝင်များဆက်လက်ချထားမည်ဖြစ်ကြောင်း သိရှိရသည်။

မူလက အောက်တိုဘာလ(၁၆)ရက်နေ့ ကျောင်းကုန်းမြို့ မိုးကောင်းဘုရားဝင်းအတွင်း၌ ကျင်းပသည့် တရာပွဲပြီးလျှင် လုံခြုံရေးတပ်ဖွဲ့များ ပြန်လည်ရုပ်သိမ်းရန်စီစဉ်ထားသော်လည်း

ထိုနေ့ညပိုင်းက ကျောင်းကုန်းမြို့တစ်ဘက်ကမ်းရှိ ဗလီအုတ်တံတိုင်းပေါ်၌ ရေနံဆီသုတ်ထားသည့် စွပ်ကျယ်အဖြူထားရှိခဲ့သောဖြစ်ရပ် ဖြစ်ပွားခဲ့သဖြင့်ထပ်မံ၍ လုံခြုံရေး ရက်ရှည်တပ်စွဲထားဦးမည်သည်ဟု ပုသိမ်ခရိုင်ရဲတပ်ဖွဲ့ဝင်များထံမှ သိရသည်။

 “တိုင်းအရံတပ်ခွဲရယ်၊ ခရိုင်တွဲဖက် ရဲတပ်ဖွဲ့ရယ်ပုသိမ်က စုစုပေါင်းရဲအင်အား ၁၅၀ လောက်ချထားတယ်။ တရားပွဲ ပြီးရင်ပြန်ရမယ်လို့ ထင်ထားတာ။ အောက်တိုဘာ ၁၆ ရက်နေ့

ညကဖြစ်သွားတဲ့ကိစ္စကြောင့် လုံခြုံရေးတွေလည်း ပြန်လို့ မရဘူးဖြစ်သွားတယ်”ဟု ကျောင်းကုန်းမြို့၌လုံခြုံရေး တာဝန်ယူထားသူ ပုသိမ်ခရိုင်ရဲတပ်ဖွဲ့ဝင်တစ်ဦးက ပြောသည်။


ကျောင်းကုန်းမြို့၌ပဋိပက္ခများထပ်မံမဖြစ်ပွားစေရန် တိုင်းရဲတပ်ဖွဲ့များနှင့်မြို့နယ် ရဲတပ်ဖွဲ့တို့ပူးပေါင်း၍ ရဲအင်အား ၂၀၀ ကျော်နှင့် အနောက်တောင်တိုင်းစစ်ဌာနချုပ်(နတခ) လက်အောက်ခံ

တပ်ခွဲတစ်ခုတို့က အေက်တိုဘာ ၅ ရက် နေ့က စတင်ကာ လုံခြုံရေးယူထားပြီး ပဋ္ဋိပက္ခထပ်မံဖြစ်ပွားအောင်လှုပ်ရှား သူမှန်သမျှကို ထိရောက်စွာအပြစ် ပေးနိုင်ရေး စီစဉ်ထားပြီး

ကျောင်းကုန်းဖြစ်စဉ်ပြုလုပ်သွားသူအား ဖမ်းဆီးရမိရေးအပူတပြင်းဆောင်ရွက်နေကြောင်း ပုသိမ်ခရိုင်ရဲတပ်ဖွဲ့မှ သိရှိရသည်။


“ဒီအချိန်မှာ လုပ်နေတဲ့သူတွေက အလုပ်မရှိကြဘူး။ ပြဿနာတစ်ခုဖြစ်လာရင် လုချင်ယက်ချင်ကြတဲ့သူ  တွေက များတယ်။ ဘယ်သူတွေကလုပ်နေတယ်ဆိုတာလဲ မသိဘူး။

ရဲတပ်ဖွဲ့အနေနဲ့ဘယ်သူ့ကိုမဆို ဆူပူအကြမ်းဖက် အောင် လှုံဆော်တဲ့သူတွေကို ဖော်ထုတ်ပြီး ပြင်းပြင်းထန်ထန်အရေးယူသင့်တယ်”ဟု လူ့အခွင့်အရေးစောင့်ကြည့်

ကာကွယ်ရေးကွန်ယက်(HRWDN)အဖွဲ့ဝင်တစ်ဦးက ပြောသည်။


ကျောင်းကုန်းမြို့၌ကျင်းပခဲ့သည့်တရားပွဲသို့သံဃာတော်အပါး ၆၀၀ခန့် ကြွရောက်ချီးမြင့်ခဲ့ပြီး လာရောက်သည့် တရားနာ ဧည့်ပရိသတ်များပြားသည့်အတွက် တိုင်းရဲတပ်ဖွဲ့မှရဲအင်အား၂၀၀

ကျော်နှင့် အနောက်တောင်တိုင်း စစ်ဌာနချုပ်(နတခ)လက်အောက်ခံ တပ်ခွဲတစ်ခုအပြင်မြို့ပေါ်လမ်းတိုင်း၌ မီးသတ်များ၊ ရဲတပ်ဖွဲ့ဝင်များအပြင် သံဃာတော်များပါ

လုံခြုံရေးယူကာ စောင့်ကြပ်ခဲ့ရကြောင်း သိရသည်။


ထိုနေ့သည်ဘာသာကြီးနှစ်ရပ်၏ အရေးကြီးသည့် ပွဲတော်နှစ်ခုနှင့်တိုက်ဆိုင်နေသည့်အတွက် ကျောင်းကုန်းမြို့ရှိ ဘာသာရေးခါင်းဆောင်းများညိနှိုင်းဆောင်ရွက်ခဲ့မှုကြောင့်

အစ္စလာမ်ဘာသာဝင်များက ကုရ်ဘာနီအစ်နေ့ဝတ်ပြုခြင်း အစီအစဉ်ကို အောက်တိုဘာလ ၁၇ ရက်နေ့သို့ ရွှေ့ဆိုင်းခဲ့ကြောင်း သိရသည်။


 “တရားပွဲကို ကျောင်းကုန်းမှာ ပဋ္ဋိပက္ခတွေမဖြစ်ခင်ကတည်းက စီစဉ်ထားတာပါ။ ဒီနေ့ ဒီရက်မှာလာပြီး မထင်မှတ်ဘဲ တိုက်ဆိုင်သွားတဲ့ သဘောပေါ့။ ဒါပေမယ့် တစ်ဖက်က

အစ္စလာမ်ဘာသာဝင်တွေက ရက်ရွှေ့ဆိုင်းပေးလိုက်တော့ အဆင်ပြေသွားတာပေါ့”ဟု ကျောင်းကုန်းမြို့နယ်အမျိုးသားဒီမိုကရေစီအဖွဲ့ချုပ်အလုပ်အမှုဆောင်
အဖွဲ့ဝင်ဦးစောလွင် က ပြောသည်။

ထိုနေ့က ကျင်းပခဲ့သည့်တရားပွဲ၌ ၉၆၉ တံဆိပ်နှင့်ပတ်သတ်၍ဆရာတော်ကြီးများက ရှင်းလင်းဟောကြားခဲ့ပြီး ၉၆၉ တံဆိပ်နှင့် တရားခွေများလည်းဝယ်ယူရရှိနိုင်ကြောင်း သိရသည်။

တရားပွဲအစီအစဉ်၌ မျိုးစောင့်ဥပဒေနှင့် ပတ်သတ်၍ ထောက်ခံလက်မှတ်ရေးထိုးခြင်းများလည်း ပြုလုပ်ခဲ့ကြောင်းနှင့် ကျောင်းကုန်းမြို့ရှိဗုဒ္ဓဘာသာ
အိမ်တိုင်း၌ သာသနာ့အလံများလွှင့်ထူထားဆဲဖြစ်ကြောင်း မြို့ခံတို့က ဆိုသည်။

                                                                                   Myitmakha Media Group


0 Comment Box:

Post a Comment


 

Comment Box

Followers