Tuesday, October 15, 2013

၁၂ ရက်ကြာမျှ ပိတ်ထားခဲ့ရသော လေဘာတီရုပ်တုကြီးကို ပြန်လည်ဖွင့်လှစ်

http://www.khitlunge.org.mm/UploadImages/tourist.jpg

အမေရိကန် ပြည်ထောင်စု နယူးယောက်မြို့ရှိ လေဘာတီရုပ်တုကြီးကို အောက်တိုဘာ ၁၃ ရက် နံနက်ပိုင်းတွင် ပြန်လည် ဖွင့်လှစ်လိုက်ပြီ ဖြစ်သည်။ အမေရိကန် အစိုးရ၏ ဘတ်ဂျက်အသုံးစရိတ် ခွဲဝေချထားမှုများကို ကွန်ဂရက်လွှတ်တော်က အတည်ပြုနိုင်ခြင်း မရှိသဖြင့် အစိုးရရုံးဌာန အများအပြားကို ပိတ်ထားခဲ့ရသည်။

 အကျိုးဆက် တစ်ရပ်အနေဖြင့် လေဘာတီရုပ်တုကို ၁၂ ရက်ကြာမျှ ပိတ်ထားခဲ့သည်။ နယူးယောက် အုပ်ချုပ်ရေးမှူး အင်ဒရူးကျူအိုမိုနှင့် ပြည်နယ်လွှတ်တော်တို့၏ သဘောတူညီချက်အရ လေဘာတီရုပ်တု ပြန်လည်ဖွင့်လှစ်နိုင်ရန်အတွက် လုပ်ငန်းလည်ပတ်စရိတ်ကို ခွင့်ပြုချက် ရရှိခဲ့သည်။ လေဘာတီရုပ်တု ပြန်လည်ဖွင့်လှစ်နိုင်ရန် နယူးယောက်ပြည်နယ် အစိုးရအဖွဲ့က ကာလအတိုင်းအတာ တစ်ရပ်အထိ တစ်ရက်လျှင် ဒေါ်လာ ၆၁၆၀၀ ကို ကမ္ဘာလှည့်ခရီးသွားလုပ်ငန်းဆိုင်ရာ ဘတ်ဂျက်အသုံးစရိတ်မှ ထောက်ပံ့ပေးမည်ဖြစ်သည်။ လေဘာတီရုပ်တုကြီးကို ပြန်လည်ဖွင့်လှစ်ခြင်းကြောင့် ကမ္ဘာလှည့်ခရီးသွားများ ဝမ်းမြောက်ဝမ်းသာ ဖြစ်ကြရကြောင်း သတင်းတွင် ဖော်ပြသည်။ (ပီတီအိုင်)

                                                                                     ခေတ်လူငယ်


 

0 Comment Box:

Post a Comment


 

Comment Box

Followers