Tuesday, October 1, 2013

(၄၉)နှစ်မြောက် မြန်မာနိုင်ငံရဲတပ်ဖွဲ့နေ့အခမ်းအနား ရန်ကုန်တိုင်းဒေသကြီးရဲတပ်ဖွဲ့တွင်ကျင်းပပြုလုပ်



(၄၉)နှစ်မြောက်မြန်မာနိုင်ငံရဲတပ်ဖွဲ့နှစ်ပတ်လည်နေ့အခမ်းအနားကို ရန်ကုန်တိုင်းဒေသကြီးရဲတပ်ဖွဲ့တွင် ယနေ့နံနက် ၈ နာရီအချိန်က ကမာရွတ်မြို့နယ်၊ ကျွန်းတောလမ်းရှိ မူးယစ်ဆေးဝါးပပျောက်ရေး
အထိမ်းအမှတ်ပြတိုက် အဆောက်အဦးတွင် ကျင်းပပြုလုပ်ခဲ့ပါသည်။

အခမ်းအနားတွင် ရန်ကုန်တိုင်းဒေသကြီးအစိုးရအဖွဲ့ ၀န်ကြီးချုပ် ဦးမြင့်ဆွေက မိန့်ခွန်းပြောကြားပြီး ၀န်ကြီးချုပ်ဆုရတပ်ဖွဲ့ဝင်(၄)ဦး အား ၀န်ကြီးချုပ်ဦးမြင့်ဆွေမှလည်းကောင်း၊ မြန်မာနိုင်ငံရဲတပ်ဖွဲ့
ဌာနချုပ်မှပေးအပ်သော နေအိမ်လိုင်းခန်း ပထမဆုနှင့် န၀မဆုရရှိ သောတပ်ဖွဲ့ဝင်နှင့်ဇနီးတို့အားဝန်ကြီးချုပ်၏ဇနီးမှလည်းကောင်းဆုများ ပေးအပ်ချီးမြှင့်ကာ အခမ်းအနားကို ခေတ္တရပ်နားခဲ့ပါသည်။

ဆက်လက်၍ အခမ်းအနား ဒုတိယပိုင်းအစီအစဉ်အားကျင်းပခဲ့ရာ တိုင်းဒေသကြီးရဲတပ်ဖွဲ့မှူးရဲမှူးကြီးဝင်းနိုင်က မြန်မာနိုင်ငံရဲတပ်ဖွဲ့ရဲချုပ်၏သ၀ဏ်လွှာအားဖတ်ကြားကာ ရန်ကုန်တိုင်းဒေသကြီးရဲတပ်ဖွဲ့သို့ အလှူငွေ ပေးအပ်သည့် ကုမ္ပဏီနှင့်လုပ်ငန်းရှင်များ၊ သင်တန်း
များတွင် ထူးချွန်ဆုရရှိသောတပ်ဖွဲ့ဝင်များ၊ မှုခင်းများကိုစွမ်းစွမ်းတမံဖော်ထုတ်ခဲ့သည့် တပ်ဖွဲ့ဝင်များ၊ တက္ကသိုလ်ဝင်တန်းစာမေးပွဲတွငဂုဏ်ထူး(၃)ဘာသာနှင့်အထက်ရရှိသည့် ကျောင်းသား/သူများ၊
တပ်သားစုဆောင်းနိုင်မှုအများဆုံးမြို့နယ်နှင့် အုပ်ချုပ်မှုလျော့နည်းဖြစ်စဉ် အနည်းဆုံးမြို့နယ် တို့အားလည်းကောင်း၊ လုပ်ငန်းတာဝန်ကြိုးပမ်းဆောင်ရွက်ခဲ့သည့် တပ်ဖွဲ့ဝင်နှင့်စာရေးဝန်ထမ်းများ၊
ပြေး(၄)ပြေးအများဆုံးဖမ်းဆီးနိုင်သည့်မြို့နယ်များ၊ မှုခင်းဖော်ထုတ်ရာတွင် ကူညီပံ့ပိုးပေးသော မိဘပြည်သူများ၊ ဆုရအားကစားသမားများအား တိုင်းဒေသကြီးရဲတပ်ဖွဲ့မှူးနှင့်ဇနီး၊ ဒုတိုင်းဒေသကြီး
ရဲတပ်ဖွဲ့မှူး၊ ခရိုင်ရဲတပ်ဖွဲ့မှူးများနှင့်ဇနီးများ၊ ဌာနခွဲမှူးများက ဂုဏ်ပြု
မှတ်တမ်းနှင့်ဆုများအား ပေးအပ်ကာ အခမ်းအနားကိုရုပ်သိမ်း
ခဲ့ပါသည်။
 
                                                                                                Yangon Police
 
 
 
 
 

0 Comment Box:

Post a Comment


 

Comment Box

Followers