Thursday, October 10, 2013

ဆရာမတစ်ဦး၏ ၁၄၄ သိန်းကျော်တန်ဖိုးရှိ ရတနာပစ္စည်းများခိုးယူခံရ


မြောက်ဥက္ကလာပမြို့နယ် ရွှေပေါက္ကံမြို့တွင် အငြိမ်းစားကျောင်းဆရာမ တစဦး၏ ၁၄၄သိန်းကျော် တန်ဘိုးရှိ လက်ဝတ် ရတနာပစ္စည်းများ အော်တိုဘာ ၇ ရက်က ခိုးယူခံလိုက်ရသည်ဟု ရန်ုကုန်တိုင်းရဲတပ်ဖွဲ့မှူးရုံး က ဆိုထားသည်။

အောက်တိုဘာ ၇ ရက် နံနက် ၉နာရီ ခွဲအချိန်က ရွှေပေါက္ကံမြို့နေ အငြိမ်းစားကျောင်း ဆရာမသည်  နေအိမ်အားသော့ခက်ပြီး ဈေးသို့သွားကာအလှပြင်နေစဉ်တွင် ဖြစ်ပွားခြင်းဖြစ်သည်။
နေအိမ်နောက်ဖေးတံခါးကို ကလန့်ဖွင့်ထားသဖြင့်အတွင်း၌ ခတ်ထားသောသော့နှင့် ပတ္တာပြုတ်ထွက်ကာ တံခါးပွင့်နေ့သည်ကို တွေ့ရပြီး အိမ်ပေါ်ထပ် ဘုရားခန်းတွင်ထားသော သံသေတ္တာမှာလည်း သော့ကို ဖျက်ဆီး ခံထားရကာ သံသေတ္တာအတွင်းမှ စိန်ရွှေရတနာများပါသည့် လက်ဝတ်ရတနာပစ္စည်းများ ခိုးယူခံထား ရခြင်းဖြစ်သည်။

ပျောက်ဆုံးသွားသော လက်ဝတ်ရတနာပစ္စည်းပေါင်း ၁၃မျိုးခန့်ရှိပြီး တန်ဖိုးအားဖြင့် ကျပ်သိန်း (၁၄၄၅၅၀၀ ၀) ကျပ်ရှိသည်ဟုလည်း သိရသည်။
ထို့ကြောင့် ရွှေပေါက္ကံနယ်မြေရဲစခန်း က (ပ)၁၈၆/၂၀၁၃ဖြင့် အမှုဖွင့်ပြီး ခိုးယူသွားသူ ဖမ်းဆီးရမိရေးအတွက် လုပ်ဆောင်လျက်ရှိကြောင်းနှင့် ဖမ်းမိပါက ပုဒ်မ ၃၈၀ ဖြင့် အရေးယူသွားမည်ဟုဆိုထားသည်။
                                                                                                Source : Mizzima
                                                                                           ပုံရိပ်(burmesehearts.com)


1 Comment Box:

Sai Thu Ya said...

အမှု့အများဆုံးနဲ့ မမိနိူင်တာ ခိုးမှု့တွေပါ
မိမိပစ္စည်း မိမိတာဝန်သာ

Post a Comment


 

Comment Box

Followers